Се поставува вертикална сообраќајна сигнализација во Неготино
Се поставува вертикална сообраќајна сигнализација во Неготино. Портпаролот на локалната самоуправа, Методи Митрев денеска информираше дека активностите се врз основа на годишната програма за работа на одделението за комунални работи и сообраќај при општината.
- На неколку локации во градот се започна со замена и поставување на нова вертикална сигнализација, а по завршувањето на оваа активност ќе следува поставување и на хоризонтална сигнализација. Во моментов поставувањето на вертикална сигнализација се одвива во централното градско подрачје со опфаќање на улиците „Маршал Тито“, „Партизанска“, „Ацо Аџи Илов“, „Ставре Ставрев“, „Пекарев“, „Јане Сандански“, „Борис Кидрич“ и други, соопшти Митрев.
Се очекува оваа активност да заврши за десетина дена, по што ќе се започне и со поставување на хоризонтална сигнализација. Митрев апелираше до сите учесници во сообраќајот за внимателно движење додека се одвиваат овие активности, за што од страна на одговорните е поставена соодветна сигнализација.
Ново на Сител
-
Какви последици може да имаат злоупотребите во Академијата за судии и јавни обвинители?
-
Тема на денот со д-р Злате Мехмедовиќ
-
Преглед на вестите од светот
-
Дали врховен судија посредувал за прием и полагање на кандидати за судии и обвинители?
-
Поништени пресметките на претходниот балансер, зголемен процентот на Македонци, намален на Албанци
-
Мицкоски и Меџити во одбрана на владиниот легитимитет за првите 30 дена
-
ДУИ не чувствуваат одговорност за измените на Кривичниот законик, ВРЕДИ ги повикаа да признаат дека згрешиле
-
Српски полицајци ќе патролираат во Охрид