Се асфалтираат патишта во селото Моштица во општина Македонска Каменица
Во тек се градежни активности за асфалтирање на локални патишта во село Моштица во општина Македонска Каменица.
Како што информираше градоначалничката на општина Македонска Каменица, Соња Стаменкова во оваа рурална средина во должина од околу 400 метри се асфалтираат локалните патишта во неколку маала во Моштица.
- Градиме пристапен пат до маало Бунар, маало Ваинци и маало Бабанец. Вредноста на оваа инвестиција во село Моштица е 2.326.062 денари. Со асфалтирањето на споменатите делници како локална самоуправа сметаме дека кој трајно се решава проблемот со поврзувањето на жителите на село Моштица со останатите делови од територијата на општина Македонска Каменица, рече Стаменкова.
Изведувач на работите е градежната фирма „Стоименов“ од Кочани, а според предвиденото асфалтирањето на споменатите локални патишта треба да заврши до крајот на оваа недела.
Како што информираше Стаменкова по асфалтирањето на овие пристапни патишта во село Моштица, општина Македонска Каменица продолжува со асфалтирање на пристапни патишта и во останатите селски средини.
Ново на Сител
-
Бојмацалиев: Над 603.000 патници на Меѓународниот аеродром Скопје, во првото тримесечје од 2024
-
Во ЗОО Скопје се роди двогрба камила
-
Тешко повреден малолетник во сообраќајка на патот Охрид-Ресен
-
Над 157.000 Грци се пријавиле за поштенско гласање на евроизборите
-
СПМ повикува на масовна излезност на 8 мај, за иднина и стабилност на државата
-
Уапсени и осудени двајца државјани на Македонија за внесување фалсификувани бланко документи во Грција
-
Александар Николовски од УКИМ избран за претседавач на Националното студентско тело
-
Русија: Убиени пет напаѓачи и двајца полицајци во Република Карачај-Черкезија