Саудискиот крал нареди зголемување плати, пензии, стипендии

Саудискиот крал Салман објави исплаќање по 1.000 риали (267 долари) месечно за државните службеници во новата година како компензација за поскапувањето на животот откако Владата ги зголеми цените на бензинот и воведе ДДВ од пет отсто.

Со кралскиот указ тој наредува и исплаќање по 5.000 риали за војниците кои се на фронтови линии со Јемен.

Во Саудиска Арабија речиси двојно се зголеми цената на бензинот и се воведе ДДВ од пет осто за голем број стоки и услуги.

Според указот, „новите мерки се компензација со признавање за зголемено бреме во некои сегменти од животот на населението како резултат од неопходни мерки преземени од владата за преструктуирање на економијата“.

Кралот наредил државата да преземе обврска за ДДВ во некои ситуации како – специјални здравствени и образовни услуги, и при прво купување дом до 226.000 долари. Стипендиите и пензиите како и социјалната помош исто така се зголемуваат.