САД: Се заканува четврти бран на епидемијата поради новите мутации на коронавирусот
Ширењето на многу заразните мутации на коронавирусот се заканува да предизвика „потенцијален четврти бран на случаи“ во САД, предупреди директорката на американските Центри за контрола и превенција на болести (ЦДЦ), Рошел Валенски.
Валенски изрази загриженост поради најновите податоци за бројот на заболени од Ковид-19, нагласувајќи дека минатата недела на дневно ниво биле евидентирани околу 70.000 нови случаи, што, како што истакна, е многу голема бројка.
Во истиот период, дневно се регистрирани по 2.000 смртни случаи, додаде таа.
Валенски предупреди дека САД, со толку високо ниво на случаи и нови мутации на вирусот кои се шират, можат да ја изгубат тешко стекнатата предност во борбата против коронавирусот.
– Овие мутации претставуваат многу реална закана за нашиот народ и напредокот што го постигнавме, рече Валенски.
Во моментов кружат неколку различни мутации на Ковида-19, но здравствените експерти се особено загрижени поради некои од нив, како што се оние во Велика Британија, Јужноафриканската Република и Бразил, кои се чини дека се позаразни.
ЦДЦ предвидува дека многу заразниот вид Б. 1.1.7, првпат откриен во Велика Британија, ќе стане доминантен во САД овој месец.
Валенски оцени дека САД имаат можност да го запрат потенцијалниот четврти бран на случаи во земјата.
Според податоци на Светската здравствена организација, во САД досега се регистрирани над 28 милиони заразени и 500.000 смртни случаи од коронавирусот.
Ново на Сител
-
Иранскиот претседател бил повреден за време на војната со Израел
-
27 лица загинаа во израелски напади во Газа
-
Црна Гора го одбележува Денот на државноста
-
Повредени 12 лица во Атина откако паркиран џип почнал да се движи и удрил во ресторан
-
Уапсен крадец во Велес, извршил повеќе кражби во еден ден
-
ОЈО: Пред убиствата вујкото му ја препишал куќата на внукот, имало неразрешени семејни недоразбирања
-
Во куќата на убиецот се пронајдени трите тела во Прилеп - Фрлил бомба кон полицијата пред да се самоубие
-
Рускиот министер за надворешни работи пристигна во посета на Кина