САД распишаа потерница по претседателот на Врховниот суд на Венецуела
Американскиот Стејт департмент објави награда од пет милиони долари за информација што ќе доведе до апсење на претседателот на Врховниот суд на Венецуела, Маикел Хосе Морено Перес по низа од истраги водени од неколку американски државни агенции.
Државниот секретар Мајк Помпео изјави дека в март годинава Перес (54) бил обвинет од јужниот дистрикт на Флорида за перење пари и примање поткуп во замена за вршење правни дела… во повеќе од 20 судски процеси, и за незаконско регулирање на различни граѓански и криминали парници во Венецуела.
На сајтот на американската имиграциска и царинска служба се соопштува дека постојат документации за корупција вршена од страна на претседателот на Врховниот суд на Венецуела. Така на пример, Перес одобрил конфискација и продажба на фабрика за автомобили во Венецуела на компанијата General Motors чија проценета вредност била 100 милиони долари во замена за процент од продажбата.
САД наметнаа санкции против Перез и неговата сопруга, на двајцата влезот во САД им е забранет на неограничено време.
Потерницата е во рамките на Програмата за награди за меѓународен организиран криминал.
-Заедно со Програмата за награди за трговија со наркотици, од 1986 година кога овие програми беа воведени, досега пред лицето на правдата се донесенеи повеќе од 75 меѓународни криминалци, се вели во изјавата на Помпео.
Ново на Сител
-
Кривична против тројца скопјани за „убиство во обид“ и „соизвршителство“
-
54-годишна скопјанка пронајдена почината
-
ДИК не го прифати приговорот за гласањето во Липково
-
Рендевски и Алексовски автори на поглавје во книгата „Двете страни глутаматот“
-
Пронајдена граната во близина на камп во Гевгелија
-
Приведен тинејџер, полицијата кај него пронашла дрога
-
Поевтинуваат дизелот и Еуросупер БС 98
-
Судскиот совет го одложи утврдувањето на кандидатски листи за избор на двајца членови на Советот