Русија: Новиот британски носач на авиони е „погодна цел“

Русија денеска се потсмеваше за новиот британски носач на авиони ХМС Елизабета Втора, оквалификувајќи го како „погодна цел“ за московските сили.

Руското МО коментарите на британскиот министер за одбрана Мајкл Фалон ги опиша како „арогантни“.

Фалон рече дека рускиот носач на авиони Адмирал Кузњецов „се распаѓа“ и додаде дека Москва со завист гледа на новиот британски брод.

Портпаролот на МО, Игор Конашенков рече дека коментарите на Фалон укажуваат на „јасно непознавање на поморството“.