Русија им откажа визи на двајца американски сенатори
Двајца американски сенатори синоќа не добија руски визи како дел од конгресна делегација што наскоро ќе отпатува во посета на Москва во која се вклучени демократи и републиканци, јави дописникот на МИА од Вашингтон.
Се работи за републиканскиот сенатор од Висконсин, Рон Џонсон и сенаторот Крис Марфи, демократ од Конектикат, членови на сенатската Комисија за надворешни работи. Двајцата во своите настапи досега искажуваа критики кон власта во Москва.
Таквиот потег следува еден ден откако викендов на самитот на Г-7 во Бијариц, Франција, се создаде недоразбирање околу тоа дали Русија треба да биде примена назад во групата најразвиени демократии. Земјата беше дел од групата до 2014 година во која сега членуваат САД, Канада, Велика Британија, Франција, Германија, Италија, Јапонија.
Како одговорна за окупацијата и присоединувањето на Крим, и воениот конфликт во источна Украина, Русија беше отстранета од групата што дотогаш се нарекуваше Г-8.
-Со укинувањето на досегашните договори за ограничување на вооружувањето, и со зголемената опозиција на авторитарното владеење на Владимир Путин во својата земја, кревките односи помеѓу двете држави се наоѓаат во ризична фаза. Голема штета е што Русија е незаинтересирана за дијалог, изјави Марфи по повод отказот да патува за Русија.
Група на демократски сенатори испратија писмо до претседателот Доналд Трамп синоќа изразувајќи несогласување Русија повторно да биде прифатена во Г-7, повикувајќи се на окупацијата на Крим.
Руската амбасада во Вашингон во изјава укажа дека Џонсон „не аплицирал за виза во нашата амбасада и не информираше за своите планови“.
Руските власти повеќе пати досега одбиваа визи за конгресмени од САД, посебно оние кои се критични во однос на власта на Путин и заговараат санкции против Русија.
Ново на Сител
-
Владата донесе одлука со која цената на осигурувањето од автоодговорност се враќа на ниво од пред 25 април
-
Фитнесот почна како мода но полека стана здрава навика | Стефанија Бубало | Јанг стори | Sitel Podcast 032
-
ДИК донесе заклучок за конечност на резултатите од првиот круг на претседателските избори
-
Бискупот Стојанов упати Велигденска честитка до Архиепископот г.г. Стефан и верниците
-
Пронајдено тело на починат маж во Вардар во Велес
-
Благодатниот оган и оваа година од Ерусалим ќе пристигне во Грција
-
Зеленски: Русија во април употреби 300 ракети, 300 дронови и 3.200 касетни бомби во нападите врз Украина
-
ДСЗИ најави забрана на Клиниката за токсикологија за здравствени работници без договори за вработување