Рубин противник на Работнички во баражот од Лига Европа

Екипата на Рубин ќе биде ривалот на Работнички во баражот од Лига Европа. Ова е епилогот на денешната ждрепка одржана во Нион во седиштето на УЕФА.

Првиот натпревар на 20.август се игра во Скопје, а реваншот е седум дена подоцна во Русија.

Ова за Работнички е второ учество во баражот откако претходно пред четири години беше елиминиран од Лацио.

Рубин во претходното коло од квалификациите на ЛЕ го елиминира Штурм со вкупни 4:3 (3:2 победа на гости, 1:1 дома во реванш).

Оваа екипа последниот шампионат на Русија го заврши на 5.место, а има освоено две титули (2008 и 2009 година) и еден Куп на Русија 2012 година.

Фудбал