Розберг останува со Хамилтон во Мерцедес

Нико Розберг го продолжил договорот со тимот на Мерцедес до 2018 година, пренесува британскиот сервис BBC.

 

Продолжувањето на договорот со Розберг значи дека Мерцедес ќе ја има истата постава на возачи и во наредните две години, бидејќи неодамна и Луис Хамилтон го продолжи договорот со тимот до 2018 година.

 

Розберг во Мерцедес е од 2010 година, претходно три години возеше за Вилијамс. Сите досегашни успеси во кариерата Германецот ги има оставрено со Мерцедес (25 пол позиции и 19 победи).

 

Нико Розберг во тековната сезона е лидер во генералниот пласман со 171 бод, четири повеќе од тимскиот колега Хамилтон.

 

Формула 1 шампионатот продолжува в недела со трката за Големата награда на Унгарија, на патеката Хунгароринг.