Родители не дозволиле забрадени жени да влезат во детска градинка во Корзика
Пет забрадени жени, облечени во традиционалната облека на муслиманките, биле спречени од други родители да влезат во детска градинка во Корзика.
Инцидентот се случил во местото Бонифачио, а полицијата во овој француски остров во Медитеранот, интервенирала, за да спречи поголем инцидент.
Гневните родители и објасниле на полицијата дека им го блокирале влезот на забрадените жени затоа што ниту нивните деца не може да ги носат на себе христијанските симболи.
Според француските закони, пресоналот на училиштата и детските градинки, како и учениците и децата, не можат да одат забрадени на наставата, но тоа не се однесува за нивните родители.
Тензиите меѓу населението на Корзика и јужните делови на Франција се засилија по исламистичкиот терористички напад во Ница, на 14 јули.
Локалните медиуми откриваат дека минатиот месец избила тепачка меѓу двајца корзикански селани од местото Сиско и тројца северноафриканци, затоа што муслиманите сакале плажата во селото да ја користат само за себе.
Тензиите нараснаа по забраната во околу 30 приморски француски општини, на плажите да се носат „буркини“, облека за капење која целосно го покрива телото на жената, освен лицето и стапалата.
Уште од 2011 година, во Франција е забрането носењето „никаб“, женска облека што го покрива лицето на жената, освен очите.
Минатата недела неколку забрадени жени протестираа во францускиот град Авињон, против тоа да им се определува како да се облекуваат.
На транспарентите што ги носеле, тие инсистирале на тоа дека облеката не е провокација, туку слобода на уверување.
Ново на Сител
-
Fast Food 7 - принцип за постојан квалитет | Билјана З. Попова | Бизнис приказни | Sitel Podcast 030
-
Пронајдена неексплодирана експлозивна направа во Битола
-
Разбојникот кој ограби казино со автоматско пушка е полицаец
-
Демири: Ако Клиниката за токсикологија не била осигурена, менаџментот треба да преземе одговорност
-
До 30 април на полноќ пријавување на болните и изнемоштените за гласање на изборите на 8 мај
-
Гевгеличанка лажела дека е царински застапник и измамила Грк за 2.000 евра
-
Тошковски: Поддршка до специјалните единици бидејќи тие се првиот столб на заштитата на безбедноста и суверенитетот на државата
-
Пет клучни донатори вложија повеќе од 50 милиони долари во претседателската кампања на Трамп