Река: Приближување кон ЕУ и држава без дискриминација
Приближување на Република Северна Македонија кон Европската унија, но и држава без дискриминација во која владее законот, како и продолжување на работата на Специјалното јавно обвинителство се дел од пораките на кандидатот за претседател на Алијанса на Албанците и Беса, Блерим Река кои вечерва ги испрати на митингот во Струга.
Доколку биде избран за претседател на државата, тој пред стружани посочи дека ќе ги реши сите проблеми со соседите, бидејќи, како што рече, една од неговите пароли е „нула проблеми со соседите“.
– Ќе работам на тоа да не завршиме како празна држава, бидејќи до сега една четвртина од населението ни се исели. Сите анализи на Светската банка говорат дека до 2040 година ако не направиме некоја поголема промена во социјалните и другите политики, можеме да завршиме со половина помалку населнеие од сега, истакна Река.
Со своите глобални политики, додаде, ќе ја приближи земјата кон ЕУ.
– Пред стружани испратив универзални пораки за универзални вредности за републиката која е една и за сите, во која нема дискриминација на никаква основа, ни на верска, ни на етничка. За една република на рамноправни граѓани, за една република во која владее законот, а не поединецот и за една република која не трпи политизирано судство, непотизирана јавна администрација и сигурно нема да трпи политички пазари на партиите за да се укине Специјалното јавно обвинителство. Тоа треба да продолжи затоа што СЈО е гарант на начелото на владеење на правото, посочи Река.
Ново на Сител
-
Осумдесетгодишник од Теарце со изгореници заврши во болница откако му се запали домот
-
Силјановска-Давкова утре ќе го почне претседателскиот мандат со свечена изјава во Собранието
-
Честитка до Мицкоски од МД „Илинден" и Македонците во Албанија, за двојната победа на изборите
-
Силјановска Давкова: Добивањето на уверението од ДИК и прогласувањето во Собранието се формално финале на изборите
-
Приведени двајца кумановци за поседување дрога
-
Променливо време со повремен дожд и во наредните денови
-
Априлската инфлација во Албанија 2,1 отсто и понатаму најниска во регионот
-
Српско МВР: Се утврдуваат фактите и околностите под кои во полицијата починал Д.Д. осомничен за случајот со Данка И.