Реакција од Кабинетот на дополнителниот заменик-министер за труд по изјавата на Ременски
Денешната изјава на Фросина Ташевска Ременски во која искажа низа манипулации и лаги покажува во колкава паника се наоѓа пред заминување. Навредите и клеветите се нејзин обид да го прикрие сето незаконско и несовесно работење кое го направи во мандатот за кое до сега и се поднесени тужби и кривични пријави.
Користењето на возилата, за кое Ташевска Ременски прави политички маркетинг се врз основа на склучен договор и е во рамки на Законот и е поткрепено со документација. Исто така и вработувањата во министерството за труд и социјална политика се во рамки на предвидените законски процедури.
Немајќи резултати во својата работа, на Ташевска Ременски и остана само да измислува афери. Но секако граѓаните ќе ја паметат како најдеструктивен министер кој кочеше проекти во интерес на граѓаните и спроведуваше тортура врз вработените. Токму поради тоа против нејзе се поднесени 2 кривични пријави, 20 тужби и 2 прекршочни пријави за незаконско работење и злоупотреба на службена должност и направени прекршоци.
Во однос на денес изречените навреди и клевети ќе и биде поднесена тужба како и кривична пријава за лажно пријавување како и за сокривање на документација во министерството за труд и социјална политика.
Доаѓа време кога ќе биде извршена целосна ревизија на работењето на техничката министерка и во првиот и во вториот мандат за што постојат докази и аргументи.
Ново на Сител
-
Евростат: Невработени во март биле 13,2 милиони лица во Унијата, на Германија до 2035 ќе и фалат 7 милиони работници
-
Преглед на вестите од светот
-
Последен ден од кампањата - Партиите и коалициите со завршни митинзи
-
Над 200 болни и 203 затвореници утре ќе гласаат во Штип
-
Со изборен навигатор можете да проверите која партија и програма се најблиску до вашите убедувања
-
Со добра понуда и бројни настани Охрид може да привлекува туристи преку цела година
-
Преглед на вестите од светот
-
Тема на денот со отец Горан Стојчевски