Путин: Пандемијата покажа дека е потребна меѓународна соработка
Рускиот претседател Владимир Путин оцени дека пандемијата на коронавирус покажала дека ниту една земја не е способна да обезбеди епидемиолошка безбедност без соработка со други.
Путин тоа го рече во своето обраќање пред учесниците и организаторите на меѓународната конференција наречена „Епидемиолошка благосостојба”, што денеска и утре се одржува во Москва, пренесува руската агенција ТАСС.
– Распространетата пандемија на коронавирус јасно укажува дека ниту една земја – дури ни најразвиените – не може ефикасно да обезбеди епидемиолошка безбедност самостојно, без интеракција со странски партнери, рече рускиот претседател.
Путин истакна дека руските здравствени работници се здобиле со уникатно искуство во борбата против пандемијата на коронавирус и другите опасни болести, вклучувајќи грип, чума, ХИВ, сипаници и ебола.
– Нашите експерти активно ги споделуваат своите знаења, откритија, технологија и практичен развој со нивните странски колеги и се подготвени да продолжат со проширување на овој вид соработка, рече рускиот претседател.
Ново на Сител
-
Обид за убиство на политичар во северно Косово, од партијата велат дека се вмешани Белград и Радоичиќ
-
Единаесетти парламентарни избори, се кандидирале 1002 мажи и 753 жени
-
Утре гласаат 11.123 болни и немоќни лица за претседателските и 11.225 за парламентарните избори
-
Владата утре ќе се задолжи со 39 милиони евра на домашниот пазар
-
Агенцијата на ОН за помош на Палестинците УНРВА одби да се евакуира од Рафа
-
Тешко повреден 74 годишен велосипедист во сообраќајна несреќа во Охрид
-
Значаен пад на цените на нафтата минатата недела
-
Триесет и три години од загинувањето на Сашко Гешовски од Кавадарци, прва жртва при распадот на Југославија