Пуштен во употреба нов детски парк во радовишкото село Злеово
Во радовишкото село Злеово денеска свечено беше пуштен во употреба нов детски забавен парк, во рамки на одбележувањето на 71. годишнина од ослободувањето на градот Радовиш.
Градоначалникот на општина Радовиш Сашко Николов нагласи дека досега општината има изградено десет детски паркови, во кои се поставени модерни реквизити за забава на децата и клупи.
- Во претходниот период општината и Владата направија неколку инвестиции за село Злеово, овде ќе ги спомнам изградбата на локалниот пат од село Подареш до село Злеово, потоа мостот на селото Злеово кој го спојува со магистралниот пат Радовиш-Струмица, нова училишна зграда и мултифункционално игралиште, рече Николов.
Тој најави дека следната година планирано е од буџетот на Општина Радовиш да се изградат нови улици во горниот дел на селото, изградба на плоштад и фонтана и нови тротоари до училишната зграда.
По повод одбележувањето на Денот на ослободувањето на Радовиш вечерва во Центарот за култура „Ацо Караманов“ ќе биде отворена изложба на носии од радовишкиот регион, а во 20 часот ќе се изведе театарската претстава „Радовишки лаф муабети“.
Ново на Сител
-
ЦУК: Куче паднало во шахта и ги изгризало оптичките кабли, без интернет биле „Филип Втори“ и Поликлиника „Букурешт“
-
Во прекин сообраќајот на патот Радовиш-Штип поради сообраќајка
-
Косовското МНР потврди дека на директорот на српската Канцеларија за Косово му е забранет влезот во Косово за Велигден
-
За Велигден претежно сончево и потопло време
-
Тепачка во Чаир - 5 лица повредени
-
Индонезија трајно ќе пресели 10.000 луѓе по серијата ерупции на вулканот Руанг
-
Полицијата ги растера пропалестинските активисти од зградата на универзитетот во Париз
-
Кривична пријава за злоупотреба на постапка за јавен повик и несовесно работење во службата