Првото новороденче во Охрид е машко

Како и во повеќето градови во Македонија, така и во Охрид првото новороденче во новата 2019 година е машко.

Бебето, како што информира за МИА, директорката на Охридската болница Славица Малеска Стојадиновиќ, е родено утрово во 10 часот и 10 минути со царски рез.

-Бебето е тешко 3.600 грама, а долго 51 сантиметар. И мајката и бебето се во добра здравствена состојба, изјави Малеска Стојадиновиќ по посетата на новороденчето на Одделот за гинекологија и акушерство.