Прво финале за Алкараз на Австралија опен

Првиот носител на Австралија опен Шпанецот Карлос Алкараз успеа да се избори за своето прво финале откако по речиси 5,5 часа игра го совлада со 3:2 во сетови Германецот Александер Зверев. Ова беше најдолгото полуфинале во кое три сета завршија во тајбрејк, а Зверев испушти шанса за триумф откако сервираше за победа.

Алкараз поведе со 2:0 во сетови откако ги доби првите два со 6:4 и 7:6 (5), пресврт се случи во третиот сет кога Зверев намали со 2:1 добивајќи го сетот со 7:6 (3). Во третиот и четвртиот сет Алкараз имаше и здравствени проблеми (повраќање и доби масажа од физиотерапевт). Тоа го искористи Зверев и го доби четвртиот сет во тајбрејк со 7:6 (4). Во решавачкиот сет Зверев направи брејк и имаше постојано предност и во десеттиот гем сервираше за победа, но Алкараз успеа од изгубена позиција и негатива од 4:5 да ги добие следните три гема и со тоа сетот 7:5 и мечот.

Во второто полуфинале ќе играат Јаник Синер и Новак Ѓоковиќ. 

МИА