Промоција на интернет алатка за самопроценка на ризикот од употреба на дроги

Во Центарот за превенција и треман на зависности од дрога во Кисела Вода денеска ќе биде промовирана интернет алатка за самопроценка на ризикот од употреба на дроги, што претставува рана детекција и брза интервенција за да се опфатат младите кои употребуваат супстанци, а кои досега не побарале помош од постојните програми.

Овој проект е финансиски поддржан од Помпиду група при Совет на Европа (Група за соработка за борба против злоупотребата на дрога и недозволена трговија со дрога) за повеќе земји, меѓу кои се: Македонија, Србија, Босна и Херцеговина, Црна Гора, Хрватска, Грција и Романија, информираат од Центарот.

Заради успешно завршената прва фаза, постои можност за натамошна соработка за поддржување на оваа интернет алатка за интервенција.