Приведен кумановец, возел со 1.73 промили алкохол во крвта

На 18.05.2025 во 01.41 часот, полициски службеници од Полициската станица за безбедност на патниот сообраќај при СВР Куманово го лишиле од слобода Н.И. (28) од Куманово.

При контрола на патниот сообраќај констатирано е дека управувал патничко возило „форд“ под дејство на алкохол, односно му биле измерени 1.73 промили алкохол во крвта.

По целосно документирање на случајот, против него ќе биде поднесена кривична пријава по член  297-а од Кривичниот законик - „безобѕирно управување со моторно возило“.