Приватен авион принудно слета во Албанија

Приватен авион принудно слета во Албанија откако националната служба за цивилна авијација соопшти дека леталото немало дозвола за прелет преку албанскиот воздушен простор.

Засега нема информации за евентуални човечки жртви.

Веста за паѓањето на авионот, во близина на местото Ишем, прв ја соопшти поранешниот албански министер за внатрешни работи Фљамур Ноја, тврдејќи дека леталото пренесувал дрога .

На тврдењето на Нока веднаш реагираше актуелниот министер за внатрешни работи Саимир Тахири, кој изјави дека авионот принудно слетал поради дефект.

Албанската служба за цивилна авијација објасни дека барање за дозвола за прелет на албанскиот воздушен простор се поднесува 48 часа претходно и оти е потребна обемна документација. 

Обвинителството за сериозен криминал почна истрага против италијанскиот пилот Гуидо Андреа Гуиџи (69), под сомнение дека е дел од поголема мрежа за шверц на дрога.