Превентивни контроли на аеродромите во Грција за коронависрусот
Здравствените власти на земјата се во целосна оперативна подготвеност за да се спречат и, доколку е потребно, да се справат со можни појави на коронавирусот, рече заменикот министер под премиерот и портпарол на грчката Влада, Стелиос Пецас во однос на мерките што Грција ги презема за заштита од коронавирусот. Тој додаде дека покрај превентивните контроли на влезните точки во земјата, „со одлука на министерот за здравство, веќе се одредени, на целата територија, препорачани болници за коронавирусот, јави дописничката на МИА од Атина.
Одговарајќи на новинарско прашање дали ќе се спроведуваат контроли и на бегалските и мигрантските бранови на грчките острови, Пецас рече дека тоа е сложено прашање, а тие како Влада прават сè што можат за да се ограничи прилвот на луѓе, без разлика дали евентуално се носители на вирусот или не.
-Се преземаат сите неопходни мерки. Ако ме прашувате за прашања поврзани со мигрантските – бегалските бранови, во тој дел прашањето е многу покомплицирано, како што сите можат да разберат. Ние правиме сè што можеме и сè што е во наши раце, на легалните влезни места да го контролираме евентуалното влегување на лица носители на вирусот. А во останатите делови да се ограничи секаков прилив на луѓе, а не само оние кои се носители на некој вирус, објасни портпаролот на грчката влада.
Ново на Сител
-
Тема на денот со Герард Кестел, Меѓународниот институт за социјални студии во Холандија
-
Средба Николоски-Караџов: Брзо да се финализира договорот за изградба на железнички тунел
-
Кочовска: До овој момент нема понуда за пругата од Коридорот 10
-
Лидерска средба ЕУ – Западен Балкан во Скопје, аналитичарите не очекуваат исчекор во македонските евроинтеграции
-
Филипче во Берлин ќе лобира против „современ“ македонски јазик
-
ЗНАМ до средината јули ќе ги објави кандидатите за градоначалници
-
По одлуката на Уставен, ВРЕДИ и ДУИ се судрија за пописот во 2021
-
Пазарниот инспекторат констатирал зголемување на цените во маркетите, но не биле повисоки од пред замрзнувањето