Претседателот Иванов во дводневна официјална посета на Црна Гора
Претседателот на Република Македонија, Ѓорге Иванов, придружуван од сопругата Маја Иванова, од денеска е во дводневна официјална посета на Црна Гора.
Претседателот Иванов, во Цетиње ќе оствари билатерална средба со претседателот на Црна Гора, Филип Вујановиќ, а во Милочер со претседателот на Собранието на Црна Гора, Ранко Кривокапиќ и со претседателот на Владата на Црна Гора, Мило Ѓукановиќ.
Во рамки на официјалната посета на Црна Гора, претседателот Иванов утре ќе учествува на Бизнис форум за презентација на инвестициските можности во Република Македонија и јакнење на економската соработка меѓу Република Македонија и Црна Гора.
Во делегацијата предводена од македонскиот претседател за време на официјалната посета на Црна Гора е и министерот без ресор задолжен за привлекување на странски инвестиции, Бил Павлески.
Теми на разговор со официјалните претставници на Црна Гора ќе бидат продлабочување на билатералните односи меѓу двете земји, со фокус на економската соработка, заемната поддршка и разменување искуства во процесот на ЕУ и НАТО интеграциите, како и регионалната и мултилатералната соработка.
Ново на Сител
-
Fast Food 7 - принцип за постојан квалитет | Билјана З. Попова | Бизнис приказни | Sitel Podcast 030
-
Пронајдена неексплодирана експлозивна направа во Битола
-
Разбојникот кој ограби казино со автоматско пушка е полицаец
-
Демири: Ако Клиниката за токсикологија не била осигурена, менаџментот треба да преземе одговорност
-
До 30 април на полноќ пријавување на болните и изнемоштените за гласање на изборите на 8 мај
-
Гевгеличанка лажела дека е царински застапник и измамила Грк за 2.000 евра
-
Тошковски: Поддршка до специјалните единици бидејќи тие се првиот столб на заштитата на безбедноста и суверенитетот на државата
-
Пет клучни донатори вложија повеќе од 50 милиони долари во претседателската кампања на Трамп