Премиерот Груевски во политичко-економска посета на Израел

Македонскиот премиер Никола Груевски денеска престојува во посета на Државата Израел,  каде ќе оствари средба со неговиот израелски колега Бенјамин Нетанјаху, соопшти владината служба за информирање.

Во владината делегација се и министерот за надворешни работи Никола Попоски и министерот без ресор задолжен за привлекување странски инвестиции Џери Наумоф.

Груевски и делегацијата, во Ерусалим, ќе се обратат на бизнис форум на кој ќе бидат презентирани можностите за инвестирање во Република Македонија.

Со цел воспоставување соработка на полето на јавното здравство, македонскиот премиер ќе оствари посета на реномираниот медицински центар Хадаса.