Пратениците попладнево ќе расправаат за потпретседателите на Собранието
Собранието денеска попладне се очекува да ја продолжи седницата на која ќе се расправа за предлог-одлуката за потпретседателите на Парламентот. Предлог-одлуката за петмина потпретседатели ја поднесе претседателот на Собранието Талат Џафери, кој на денешната средба со новинарите кажа дека на координативната средба пратеничките групи се согласиле да продолжи оваа седница. До завршување на расправата, како што појасни Џафери, пратениците може да поднесат амандаман за промена на оваа одлука а тој како предлагач да се изјасни за неа.
Според Деловникот, опозицијата има едно потпретседателско место, две предлага Комисијата за избори, а другите две се на мнозинството.
На седницата закажана за претпладнево се петте одлуки за вонредна состојба на претседателот Стево Пендаровски што во законодавниот дом треба да бидат потврдени со двотретинско мнозинство.
Опозицијата на координацијата не се изјаснила како ќе гласа за овие одлуки, но според Џафери, денеска за нив нема да се гласа. Седницата најверојатно ќе биде прекината по точката за Информацијата за состојбите со лозаропрерабоѕувачкиот сектор во 2020 на ВМРО – ДПМНЕ, за да се овозможи да се одржи јавна расправа.
Џафери најави одржување и средба во рамки на процесот Жан Моне, но ќе се процени дали таа ќе се одржи со физичко присуство или онлајн. На овие средби ќе се продолжи со работа за промена на Деловникот, а ќе се отворат и нови прашања поврзани со верификација на мандатите и конституирање на Парламентот, нешто што беше наметнато во јавноста по последната конститутивна седница.
Ново на Сител
-
Гир: Првиот круг од изборите мина генерално мирно и демократски
-
Пронајдено е 76-годишното лице во кавадаречко по кое се трагаше од вчера
-
Во Кочани одбележана 119-годишнината од загинувањето на Никола Карев
-
Сончево со мала до умерена облачност, следува период на релативно топло време
-
Саливан: САД засега немаат системи за противвоздушна одбрана „Патриот“ кои би можеле да ги испратат во Украина
-
Земјотрес со јачина од 6,9 степени по Рихтеровата скала го погоди југозападниот дел на Јапонија
-
Промовирана новата генерација полициски службеници
-
Претрес во Штип, пронајдена дрога