Повеќе од 50 загинати во израелските напади во Либан

Повеќе од 50 луѓе загинаа вчера во израелски напади во Либан, особено во Бејрут, соопшти синоќа либанското Министерство за здравство.

Најмалку 15 лица загинаа, а 63 се повредени во Бејрут, каде што продолжува потрагата по жртви под урнатините на погодената станбена зграда, се наведува во соопштението.

Најмалку 38 лица загинаа и во израелските напади во источен и јужен Либан.

Како поддршка на палестинскиот Хамас во Појасот Газа, либанското, проиранско движење Хезболах отвори фронт против Израел на 8 октомври 2023 година, секојдневно гаѓајќи ја израелската територија од јужен Либан.