Повеќе од 20 лица загинаа при судири во Либија

Над 20 лица се убиени во последниве два дена при судири во источниот дел на Либија, меѓу силите на меѓународно признатата влада и исламистите.

Во Бенгази денеска загинале 13 лица, од кои петмина припадници на силите на меѓународно признатата влада и осуммина екстремисти.

Во истиот град вчера се убиени 14 борци на официјалната власт во Либија.

Веќе една и пол година Бенгази е арена на крвави судири меѓу владини сили и повеќе екстремистички групи, меѓу кои Исламска држава и „Ансар аш Шарија“, која е блиска на Ал Каеда.