Потврдено: Нервниот гас Ве-Икс причина за смртта на Ким Џонг-нам
Резултатите од аутопсијата потврдија дека нервниот гас Ве-икс (ВX) предизвикал мошне тешка парализа, која го усмртила полубратот на севернокорејскиот лидер Ким Џонг-ун, Ким Џонг-нам на аеродромот во Куала Лумпур, изјави вчера малезискиот министер за здравство, Субраманијам Сатхасивам.
Резултатите на државната Служба за хемиски анализи ги потврдија наодите на болничката аутопсија дека нервниот гас предизвикал тешка парализа, која ја предизвикала смртта на Ким Џонг-нам во мошне кусо време, рече министерот.
Претходно полицијата соопшти дека Малезија денеска ќе провери дали на еден од терминалите на меѓународниот аеродром во Куала Лумпур, каде минатата недела е убиен Ким Џонг-нам, има токсични материи.
Стручните тимови се составени од форензичар, пожарникар и експерти од агенцијата за атомска енергија.
Ким Џонг-нам е убиен пред неколку дена со забранетото хемиско оружје Ве-Икс, додека се поготувал да се качи на авион за Макао, каде живеел во егзил со семејството под заштита на Пекинг.
Ново на Сител
-
Терористички напад во грчка православна црква во Дамаск, најмалку 15 мртви
-
Герасимовски: Нови кошаркарски табли, детски реквизити, канти и клупи на повеќе локации во Центар
-
Славески: Најновите проекции на Народната банка покажуваат забрзување на растот и намалување на инфлацијата
-
Ен-Би-Си: Иран пред нападот го предупредил Трамп дека ќе ги активира терористичките скриени ќелии во САД
-
ДОМ: Ја напуштаме коалицијата со СДСМ
-
Извештајот на Вајц утре пред европратениците, Скопје очекува силна порака за македонскиот идентитет и јазик
-
Исплатени над 9 милијарди денари за земјоделците
-
Американските демократи со критики за Трамп: Со наредбата за напад врз Иран го прекрши Уставот на САД