Постигнат договор меѓу Анкара и Москва за прекин на огнот во Сирија

Турција и Русија постигнаа договор во врска со планот за целосен прекин на огнот во Сирија, објавија денеска турските медиуми.

Тој план ќе им биде претставен на сите инволвирани страни во сирискиот конфликт, а предвидува воспоставување прекин на огнот од полноќ на 29 декември.

Договорот се однесува на сите области во Сирија, каде има судири „меѓу владините сили и оружените опозициски групи“.