Посетителите на замокот на Дракула можат да се вакцинираат против коронавирус на лице место
Луѓето кои го посетуваат замокот на Дракула можат да се вакцинираат против коронавирус откако на оваа локација во Трансилванија е формиран центар за вакцинација.
Медицинските лица со ознаки на облеката нудат вакцинација со вакцини на Фајзер на секој што ќе го посети замокот Бран од 14 век, лоциран во централна Романија. Акцијата е дел од планот на Владата да ги мотивира Романците да се вакцинираат против коронавирус. Некои веруваат дека замокот бил инспирација за легендарниот роман на Брам Стокер наречен „Дракула“.
Во Романија, од почетокот на пандемијата се заразени нешто повеќе од милион луѓе, а регистрирани се речиси 29.000 смртни случаи.
Целта на Владата е да се вакцинираат 10 милиони луѓе до септември, но скоро половина од Романците не сакаат да примат вакцина. Сепак, постои надеж дека замокот Бран и неговата единствена иницијатива ќе го зголемат бројот на вакцинирани. Секој викенд во мај, оние кои ќе закажат вакцинација, ќе можат бесплатно да видат изложба на 52 справи за мачење.
Властите, исто така, се надеваат дека ќе се зголеми и бројот на посетители на замокот, кој е намален поради пандемијата.
Ново на Сител
-
„Паркови и зеленило“: Немаме склучено договор со Владата за одржување на дворот на владиниот објект
-
„Европскиот фронт“ обвинува за обид преку ДИК да му бидат одземени еден до два пратенички мандати
-
ДИК прифати приговор на коалицијата „Влен“ за избирачкото место во Желино
-
Претепан вработен во казино од три лица на кои им бил забранет влезот
-
На сила го внел во возило и му украл накит и 2.500 евра - Кривична пријава за 40 годишник од Скопје
-
Тепачка во ресторан во Драчево
-
14-годишник ненадејно починал во битолско, му се слошило додека бил на роденден
-
Галант го информира Блинкен за операцијата во Рафа