Пораз од Романија, следен ривал Англија

Женската кошаркарска кадетска репрезентација на Македонија (кошаркарки до 16 години) со пораз од домаќинот Романија ги заврши натпреварите во групата Д на Европското првенство Б дивизија што се игра во Орадеа. Романија постигна победа од 89:34.

Прва во групата беше Полска со скор 4-0, Романија имаше 3-1, Белгија 2-2, Македонија 1-3, а последна е Норвешка со 0-4.

Нашата репрезентација групата ја заврши на четвртото место и ќе разигрува за пласман од 9 до 16.место. Во првиот натпревар во разигрувањето за пласман ќе ни биде селекцијата на Англија. Натпреварот се игра во петок, а денеска е слободен ден.