Порака од Свештената бигорска Обител до верниците по повод почетокот на велигденските пости
По повод денешниот, прв ден на велигденските пости, познат како чист понеделник, Свештената бигорска Обител, упати порака до верниците, посакувајќи благословен пост.
- Да постиме со пост пријатен, благоугоден на Господа, а вистински пост е: бегање од злото, воздржување на јазикот, отфрлање на гневот, на похотите, озборувањето, лагата, прекршување на дадено ветување. Ако овие нешта ги оставите, постот е вистински и благопријатен, е пораката од Свештената бигорска Обител.
Во ова древно македонско светилиште, изминатите денови, посебно вчера, на Прочка, присуствуваа неколку илјади верници од сите делови на државава.
На умилителната вечерна на простувањето владиката Партениј, игумен на манастирот, меѓу другото рече дека „би требало да живееме во љубов, во милосрдие, во пост и во молитва, зашто таа е нашата вистинска патека".
Барајќи прошка, рече дека пред нас е најблагословениот период, духовната пролет на Црквата, Светата Четириесетница.
- Срцето ми е исполнето со љубов кон сите вас и со желба за ваше духовно напредување. Барам прошка од сите вас доколку некого сум ожалостил и ве благословувам со цело срце. Нека ви биде постот благословен и богоугоден! Добра Четириесетница! Да си ја дочекаме сите заедно Светата Пасха во радост и во духовно веселие, посака владиката.
Ново на Сител
-
Словачка не воведува вонредна состојба поради атентатот врз премиерот
-
Малолетник претепан од три лица во Гази Баба
-
Малолетници фрлиле во височина соученик во тетовско училиште
-
Данска испраќа нов пакет воена помош за Украина во вредност од 750 милиони евра
-
Демири: Ако го суспендирав директорот на Токсикологија пред избори, ќе го сфатевте како политичка кампања
-
Јавна расправа на Управниот суд за тужбата од Коалицијата „Вреди“
-
Тошковски - Давкова: Ќе градиме општество во кое основен принцип ќе биде владеење на правото
-
Мицкоски: Од Грција очекував честитки, а не политички мускули, повикувам на добрососедски и пријателски односи