Попоски: ВМРО-ДПМНЕ ја има најдобрата и најсодржајната програма досега

Членот на извршниот одбор на ВМРО-ДПМНЕ, Никола Попоски кој денеска беше на средби со граѓаните на Гази Баба истакна дека владејачката партија ја има најдобрата и најсодржајната програма досега и дека со престојните избори мора да се стави крај на политичката криза и да се стави акцент на инвестициите и економскиот развој.

„ВМРО ДПМНЕ е на терен. Го правиме она што најдобро знаеме да го правиме, заедно со граѓаните да излеземе со најдобарата, најсодржајната програма досега. Сметаме дека ова е и должност и обврска за сите нас, да ставиме крај на политичката криза и конечно да се натпреваруваме во онаа дисциплина што е најзначајна за нашите граѓани – инвестициите, новите работни места, економскиот развој. ВМРО-ДПМНЕ во овој период се посветува најмногу во она во што сме најдобри – програма и економски развој за Република Македонија“, истакна Попоски.