Поплави во главниот град на Парагвај

Над 37.000 лица се евакуирани од освите домови во парагвајската престолнина Асунсион, поради поплавите што го зафатија градот, јави ТАСС.

Поплавите ги предизвика реката Парагвај, која се излеала од своето корито.

Меѓу најтешко погодените делови на Асунсион од поплавите, е и населбата што неодамна ја посети папата Франциско за време на неговата турнеја низ Јужна Америка. 

Парагвјските власти презедео мерки за времено сместување на евакуираните лица и за нивно обезбедување со храна и облека.

Експертите проценуваат дека излевањето на реката Парагвај се должи на природниот феномен „Ел Нињо“, кој придонесе за зголемување на температурите во реонот на источниот дел на Тихиот Океан за пет до девет степени Целзиусови.