Помпео: Не е предвидена нова средба Трамп
Моментно не се планира одржување нова средба на врвот меѓу лидерите на САД и на Северна Кореја, Доналд Трамп и Ким Џонг-ун, изјави американскиот државен секретар Мајк Помпео пред Економскиот клуб во Вашингтон.
Во јуни 2018 година во Сингапур се одржа првата историска средба на врвот САД – Северна Кореја, која заврши со усвојување заеднички документ. Пјонгјанг тогаш презеде обврска за нуклеарно разоружување на Корејскиот Полуостров во замена за безбедносни гаранции од страна на Вашингтон.
Втората средба на врвот меѓу Северна Кореја и САД беше на 27 и 28 февруари годинава во Ханој. Трамп и Ким тогаш не успеаја да постигнат договор и не потпишаа заеднички документ.
На 30 јуни двајцата лидери се сретнаа третпат. Средбата се одржа во демилитаризираната зона на границата меѓу Северна и Јужна Кореја. На крајот од состанокот Трамп изјави дека двете страни се надеваат да ги обноват преговорите на работно ниво во рок од две-три недели.
Ново на Сител
-
Се запали казино во Охрид | ВИДЕО
-
Мицкоски: Скандалозно е вицепремиер да бара од компании да гласаат за СДСМ бидејќи добиле државна помош
-
Кошаркарот од Ѓорче кој ветува промени | Владо Мисајловски | Неформално | Sitel Podcast 033
-
Се дистрибуира доверливиот избирачки материјал од битолската печатница до општинските изборни комисии
-
Ограбена спортска обложувалница на Бит Пазар
-
Повеќе од 30 украински медиумски работници се наоѓаат во руско заробеништво
-
Приведени две лица во Куманово - еден за употреба, друг за продавање дрога
-
Сопружници завршиле во притвор поради меѓусебна пресметка