Полските власти лани на само 390 лица им доделиле статус на бегалци, од 12.000 кои го побарале
Полските власти во текот на минатата година примиле 12.000 молби од странци за доделување на статус на бегалец, но одобриле само 390, соопшти денеска портпаролот на Службата за прашања на странците, цитиран од ТАСС.
Според портпаролот Јакуб Дуджак, бројот на барања во 2015 и 2016 година бил речиси еднаков. Меѓу лицата кои побарале азил најмногу (73 отсто) се Руси, 11 отсто се Украинци, следени од државјани на Таџикистан, Ерменија и Грузија. На сите пропишани услови за доделување статус на бегалец одговарале 129 граѓани на Русија, 97 на Украина, 43 на Сирија и 18 на Ирак.
- Барањата на околу 2.000 лица беа отфрлени, а 9.500 процедури беа прекинати откако кандидатите ја напуштија Полска во правец на Западна Европа, дополни Дуджак.
Тој подвлече дека мигрантите често пати на Полска гледаат како на транзитна земја и со поднесување на барањето за азил во неа, всушност се стремат да го легализираат својот престој во други земји.
Минатата недела полскиот министер за внатрешни работи, Мариуш Блашчак, изјави дека се подготвуваат измени во законот за странци со цел да се ограничи нелегалната миграција. Во иднина на мигрантите нема да им се дозволува да влегуваат на територијата на земјата, а нивните барања за азил ќе се разгледуваат на самата граница, по забрзана процедура.
Ново на Сител
-
ЕУ одобри шест милијарди евра за Балканот, Рама: Историски момент, кој внесува нов импулс во процесот на проширување
-
Девизните резерви во април зголемени за 41,9 милиони евра
-
Анонимна пријава за случаи со поткуп од политичка партија во Кичево
-
Во Делчево денеска гласаат 222 болни и изнемоштени лица за претседателските и парламентарните избори
-
Советот на ЕУ го усвои првиот закон за борба против насилство врз жените
-
И во Шпанија студентите подготвуваат протести против Израел
-
Претреси во Охрид поради фотографирање избирачки список и гласачки ливчиња
-
Турција: Офанзивата во Рафа е уште едно воено злосторство на Израел