Подгответе се за невреме, пороен дожд и грмежи во северните делови
Развој на нестабилна облачност проследена со локален пороен дожд и грмежи има во западните делови од Македонија особено во планинските подрачја. Облачната маса, како што соопштуваат од УХМР, се движи кон североисток.
До крајот на денот времето ќе биде променливо облачно со локален пороен дожд и грмежи, особено во северните делови.
Во Скопје умерено облачно, во доцните попладневни часови повремено значително облачно со краткотраен пороен дожд и појава на грмежи.
Утре ќе биде променливо облачно, околу пладне и попладне на повеќе места со пороен дожд и грмежи. И во Скопската котлина ќе биде променливо облачно, попладне со пороен дожд и грмежи.
За време на викендот ќе биде претежно стабилно и топло, но можна е изолирана појава на краткотраен дожд во планинските подрачја.
Во понеделник се очекува позначителна дестабилизација на временската состојба со пороен дожд, грмежи и засилен ветер. Во вторник ќе продолжи да дува засилен северен ветер што ќе предизвика намалување на температурата за 5 до 10 степени во однос на претходните денови.
Ново на Сител
-
Рендевски и Алексовски автори на поглавје во книгата „Двете страни глутаматот“
-
Пронајдена граната во близина на камп во Гевгелија
-
Приведен тинејџер, полицијата кај него пронашла дрога
-
Поевтинуваат дизелот и Еуросупер БС 98
-
Судскиот совет го одложи утврдувањето на кандидатски листи за избор на двајца членови на Советот
-
Од среда променливо облачно и посвежо со повремен дожд
-
Вработените во Фондот за здравство утре ќе протестираат
-
Србинка барана по Интерпол уапсена на аеродромот во Скопје