Почна состанокот на шефовите на дипломатиите на земјите членки на НАТО

Во Брисел попладнево почна дводневен самит на министри за надворешни работи на држави членки на НАТО, на кој фокусот е јакнење на соработката со ЕУ, борба против тероризмот, како и состојбата околу Северна Кореја.

На состанокот присуствува и високиот претставник на ЕУ за надворешна политика и безбедност Федерика Могерини.

Генералниот секретар на НАТО Јенс Столтенберг вчера рече дека разговорите ќе бидат отворени со дискусии за уште поголема соработка НАТО-ЕУ и тоа со присуство на претставници на ЕУ, како и со министрите на Финска и на Шведска.

- На овој состанок целта ни е да одиме чекор понапред, да дојдеме до нов пакет мерки. Се надевам на договор, изјави Столтенберг.

Министрите ќе разговараат и за борба против тероризмот, како и за други теми.

Средбата ќе заврши со состанок во врска со политиката на „отворени врати“.

Целта е по приемот на Црна Гора да се разгледа кои се најдобрите начини да се поддржат оние држави кои сакаат членство во НАТО.

Состанокот завршува утре и е дел од подготовките за самитот на НАТО во јули во Брисел