-->
-->
Почна санацијата на одроните кај село Истибања
-->
Откако вчера карпест рид се сруши и го блокираше сообраќајот на патниот правец Кочани – Македонска Каменица – Делчево, во тек се активности за санирање на критичната точка кај село Истибања. Во санација на теренот учествуваат екипи на претпријатието „Македонијапат“, како и противпожарни единици кои теренот целосно го чистат од останатите ситни одрони. Од „Македонијапат“ уште еднаш напоменуваат дека поради санацијата на теренот патниот правец Истибања – Брана Калиманци ќе биде затворен за сообраќај и во наредните неколку дена.
– Патниот правец село Истибања – брана Калиманци е затворен за сообраќај за сите категории на возила, а сообраќајот и понатаму ќе ќе се одвива по алтернативни патишта. За патнички и полутешки моторни возила сообраќајот ќе се одвива прeку патниот правец Виница – Бигла – Делчево, додека за тешки моторни возила од сите категории ќе се користи правецот Виница – село Смојмирово – Делчево, велат од „Македонијапат“.
Во моментов преку скенирање на критичниот дел продолжуваат темелните испитувања и мерења на теренот, по што ќе се пристапи кон целосна санација на критичната точка. Со ваквиот пристап кон решавање на овој проблем и со трајното решавање на оваа критична точка од овој патен правец во иднина надлежните очекуваат овозможување на поголема безбедност и сигурност за сите учесници во сообраќајот.
-->
-->
-->
Ново на Сител
-
Во општина Маврово-Ростуше гласаат 68 болни и изнемоштени лица
-
Малолетник прегазен во Велес, пренесен во скопските Клиники
-
Македонските државјани во Србија гласаат на вториот круг од претседателските избори во Македонската амбасада во Белгрaд
-
Лебот нема да поскапи следните два месеца, компаниите се жалат на проблеми со ликвидноста и со одлив на кадри
-
Поевтинуваат горивата, ова се новите цени
-
Граѓаните утре можат да пријавуваат повреда на избирачкото право на бесплатната телефонска линија 0800 54321
-
Цените на угостителски услуги во април зголемени за 2,5 проценти
-
Курти: Од четврток е можно заменување на српските со косовски регистерски таблички