Почина познатиот полски режисер Анджеј Вајда
Познатиот полски филмски режисер Анджеј Вајда, почина во Варшава, во 90. година од животот, соопшти полската Асоцијација на филмските работници.
Локалните медиуми јавуваат дека Вајда бил пренесен во болница, поради влошување на неговото здравје, а смртта настапила откако престанале да функционираат неговите бели дробови.
Во Полска и во светот, тој беше посочуван како водечки претставник на „полската филмска школа“ создадена уште во педесетите години на минатиот век, во времето додека земјата беше во комунистичкиот блок.
Најголемиот број од неговите филмски остварувања, како филмовите „Канал“, „Човек од мермер“ „Човек од железо“ или „Катин“ се инспирирани од турбулентната полска историја.
Неговата кариера како филмски творец траеше цели 60 години и за тој период тој има режирани над 40 филмови.
Во 2000 година, Анджеј Вајда беше награден со почесен Оскар за неговиот придонес во филмот.
Претходно, четири негови филмови беа номинирани за Оскар, за најдобар филм од неанглиското говорно подрачје.
Во 1981 година тој ја доби наградата „Златна Палма“ на фестивалот во Кан, за филмот „ Човек од железо“.
По падот на комунизмот, Вајда две години беше во политиката, како сенатор и член на Горниот дом на полскиот Парламент.
Ново на Сител
-
Австриска министерка за надворешни работи: Путин губи време, Русија ќе биде преплавена со ковчези
-
Откако Израел прогласи „тактичка пауза“, пристигнаа 100 камиони со помош во Газа
-
Алиу: 205 милиони евра за болници кои инспирираат доверба, а не страв
-
Мицкоски: Пустец е доказ дека припадноста не се брише, дека коренот останува, дури и кога над него дуваат силни ветрови
-
До 18 часот вкупно 29 пожари на отворен простор, од нив 14 активни
-
Три жени осомничени за полови дејствија со деца и детска порнографија во гостиварско
-
Мајка и ќерка повредени кога нивното возило излетало и застанало на пругата кај Стар Мост во Велес
-
Ангелов: До 13:30 часот се евидентирани 16 пожари на отворен простор, од нив осум се активни