Почина германската фудбалска легенда Андреас Бреме

На 64 годишна возраст почина легендарниот германски фудбалер Андреас Бреме во Минхен, јавуваат локалните медиуми.

Според информациите, тој починал од срцев удар.

Бреме беше член на генерацијата која ја освои титулата на Светското првенство во Италија во 1990 година. Во финалето против Аргентина, предводена од Диего Арманод Марадона, Бреме го постигна единствениот гол од пенал.

Кариерата ја започна во 1978 година во ХСВ Бармбек, потоа играше за Сарбрикен и Кајзерслаутерн, а во 1986 година се пресели во најславниот германски клуб, Баерн Минхен.

За Германија одиграл вкупно 86 натпревари, на кои постигна осум гола.