Почина актерката Ленче Делова

Денеска Драмски театар – Скопје соопшти дека почина македонската театарска и телевизиска актерката Ленче Делова.

„Со длабока тага и неверување ја примивме веста дека почина нашата драга колешка и актерка, Ленче Делова. Нејзиниот талент, топлина и насмевка ќе останат засекогаш во нашите срца и спомени. Театарот загуби уметник, а ние – пријател и прекрасен човек.

Почивај во мир.

Искрено сочувство до семејството и најблиските.“, стои во објавата на театарот.