По нападот во Истанбул: Постигна гол, па ги прегрна специјалците

Еден ден по крвавиот напад во Истанбул во кој загинаа неколку десетици припадници на специјалната полиција во близина на стадионот на Бешикташ, еден фудбалер на Галатасарај направи потег со кој освои многу симпатии од фубалските навивачи, но и од останатите луѓе во Турција.

На дуелот меѓу Галатасарај и Газиантепспор, фудбалерот на Галатасарај Јасин Озтекин ја поздрави публиката со војнички поздрав, а потоа прегрна тројца припадници на специјалната полиција.

Натпреварот почна со една минута молк, а Галатасарај славеше со резултат 3-1. Озтекин ги постигна сите три гола за Галатасарај.

Во терористичкиот напад во Истанбул загинаа 38 лица, а ранети се околу 140 луѓе. Меѓу убиените најголем број се припадници на полицијата, кои биле главната мета на нападот.