По најавата на новите царини на Трамп, паѓаат акциите на повеќе светски автопроизводители
По најавата на новите царини од 25 отсто за увезените возила што ја објави американскиот претседател Доналд Трамп, акциите на „Џенерал моторс“ паднаа за осум отсто во тргувањето по работното време, а акциите на „Крајслер“, т.е. неговата матична „Стелантис“ и на „Форд“, со коишто се тргува во САД, паднаа за по околу 4,5 отсто.
Како одговор на најавената тарифа, Канада може да воведе реципрочни мерки против САД, соопшти канадскиот премиер Марк Карни.
– Ние ќе ги браниме нашите работници, ќе ги браниме нашите бизниси, ќе ја браниме нашата земја и ќе ја браниме заедно, изјави тој.
Прашан, кога Канада ќе одговори на мерките, Карни рече дека тоа ќе се случи наскоро, бидејќи Канада може да наметне контратарифи.
Во истовреме, јапонскиот премиер Шигеру Ишиба најави дека и Токио „ќе ги стави сите опции на маса“. Ишиба ги истакна значајните инвестиции на Јапонија во САД, како и фактот дека таму отвора работни места.
Во Азија, акциите на „Тојота“, „Хонда“ и „Хјундаи“ паднаа за околу три отсто.
Ново на Сител
-
Македонски тим од неврохирурзи и невролози добитници на 2-ра награда на Меѓународниот конгрес по невронаука | ФОТО
-
Приведен 42-годишник од Тетово, управувал со возило под дејство на алкохол
-
„Велт ем Зонтаг“: Бројот на натурализации во Германија достигна нов рекорд - речиси 250.000 во 2024 година
-
Јаневска: Модернизација на студиските програми и повеќе пракса во компании ќе ги задржи студентите на нашите универзитети
-
Џефри Сакс: „Четворицата мускетари“ нема да обезбедат воена победа за Украина
-
За околу два часа распродадени картите за концертот на Металика во Атина
-
Трибина за Оперативниот план 2025: Младите да останат во земјава, луѓето во социјален ризик економски да се осамостојат
-
Турските власти издадоа налози за апсење на 47 опозициски функционери, досега приведени 28