Песков: Средба меѓу Путин и Зеленски е можна само доколку делегациите претходно постигнат договор
Рускиот претседател Владимир Путин и украинскиот претседател Володимир Зеленски би можеле да се сретнат само доколку делегациите постигнат одредени договори во преговорите, изјави денеска портпаролот на Кремљ, Дмитриј Песков.
-Таква средба е можна како резултат на работата на делегациите на двете страни, по постигнувањето одредени договори. (Ние) ја сметаме за можна“, рече тој, пренесуваат руските медиуми.
Песков рече дека двете земји се согласиле да разменат списоци со услови за прекин на огнот и дека работата на нив е во тек.
Тој додаде дека преговорите меѓу Русија и Украина се во тек и дека тие треба да се водат зад затворени врати, и дека засега се разговара за постигнување на тие договори, пренесуваат руските медиуми.
Песков истакна дека делегацијата предводена од помошникот на Путин, Владимир Медински, ќе продолжи да води преговори со Украина и дека од преговорите во Истанбул, кои се одржаа вчера, немало никакви контакти меѓу лидерите на Русија и САД.
Украинскиот министер за одбрана и шеф на украинската делегација, Рустем Умеров, по вчерашните разговори потврди дека руската и украинската делегација разговарале за можна средба на претседателите на двете земји, Володимир Зеленски и Владимир Путин, како и за договорено прекин на огнот и размена на илјада воени заробеници.
Шефот на турската дипломатија, Хакан Фидан, вчера изјави дека руската и украинската делегација на разговорите во Истанбул „во принцип“ се согласиле повторно да се сретнат.
Ново на Сител
-
Скопје денеска со третата највисока температура во Европа – 41,7°C
-
Орбан: Да бараме од нашите семејства да плаќаат 3,5 пати повеќе за гас? Тоа не е лидерство, туку економско самоубиство
-
Путин: Русија ќе ги намали воените трошоци и е отворена за преговори со Украина
-
Рекордни температури и пожари на Балканот, се очекува разладување за викендот
-
Вицепремиерот Николоски учествува на Форум за министри за транспорт во Истанбул
-
Сиљановска-Давкова ги прими припадничките на Армијата кои успешно ја завршија обуката во САД
-
Иран призна голема штета на нуклеарните постројки
-
Хамас: Над 70 загинати од израелски напади во Газа за едно деноноќие