Пендаровски: Решение на спорот со Бугарија само со почитување на достоинството на македонскиот народ
На вчерашното интервју на Заев реагираше и претседателот Пенадаровски.
Во интервју за Дојче веле вели дека решението на спорот со Бугарија е можно само со почитување на достоинството на македонскиот народ.
„Го погледав интервјуто на премиерот и ги прочитав реакциите во македонската јавност, и во дел од коментарите, за жал, беше присутна дилемата дали државниот врв настапува единствено во однос на ова витално национално прашање.
За решавање на спорови со стратешка тежина се потребни два предуслови: Да постои политичка волја што понекогаш подразбира и политичка храброст да дојдете до консензус кој никогаш не ви го зголемува рејтингот, и второ да се држите до историските факти кои се меѓународно верификувани и до политичката реалност која е очигледна.
Во првиот дел, нашата јавност знае дека јас сум првиот македонски политичар во историјата кој јавно понуди поширок политички дискурс во однос на еден од најголемите апостоли на македонското револуционерно движење.
Со премиерот Заев во многу наврати сме разговарале на оваа тема и никогаш не сме имале спор дека некои личности и настани можат да бидат чествувани и од двете страни, но, дека македонскиот народ има своја засебна историја, како што бугарскиот народ има своја“, вели Пенадаровски во интервју за Дојче веле.
Ново на Сител
-
Прегласувањето во Крушево и во Долнени почна навреме и без проблеми
-
Прегласување во седум избирачки места за Парламентарните избори 2024
-
Протест на вработените во АД Пошта
-
Г.г. Стефан: Цариградската патријаршија ни поставува неприфатли услови за томос
-
Додик: Усвојувањето на резолуцијата за Сребреница ќе биде симболичен крај на мултиетничката БиХ
-
Ескобар: Очекуваме новата влада на Северна Македонија да продолжи по европскиот пат
-
Нетанјаху вели дека нема планови за израелски населби во Газа
-
Сообраќајот на државните патишта се одвива непречено