Пендаровски: Нема да прогласам нова вонредна состојба

Претседателот Стево Пендаровски денеска се обрати на јавноста по повод продолжување на вонредната состојба.

„Познато е дека сите претходни вонредни состојби ги прогласив заради потребата во отсуство на парламентот. Претсетаделот на државата може и без барање на Владата да прогласи вонредна состојба, меѓутоа тоа никогаш не го направив бидејќи сум уверен дека во ниту еден политички контекст една институција не смее да ги изолира останатите институции при носењето на важни одлуки. Затоа имајќи ги во предвид причините заради кои ги прогласував претходните вонредни состојби сметам дека нема потреба да прогласам нова вонредна состојба. Според информациите од Владата се обезбедени доволно медицинска опрема и заштитна опрема и донесени се економски мерки за поддршка на националната економија за кои постои покритие во буџетот. Во прилог на тоа говори и тоа дека Владата не достави формално барање за прогласување на нова вонредна состојба“ кажа претседателот на државата Стево Пендаровски.