Пендаровски – Ахмети: Сите политички фактори да се насочат кон помирување и обединување околу стратешките цели
Шефот на државата Стево Пендаровски на денешната средба со лидерот на Демократска унија за интеграција Али Ахмети укажал на потребата во периодот што претстои сите политички чинители да имаат одговорен пристап и да ги насочат своите капацитети кон исполнување на реформската агенда, а со цел отпочнување на пристапните преговори за членство со Европската Унија.
Двајцата соговорници, како што соопшти кабинетот на Пендаровски, размениле мислења за актуелните случувања во Република Северна Македонија.
На средбата претседателот Пендаровски порачал дека Република Северна Македонија е исправена пред историска шанса да се потврди како партнер и рамноправен дел од најзначајните сојузи во светот – Европската унија и НАТО. Тоа, според Пендаровски, е единствениот пат кој води кон стабилност и просперитет на државата и на регионот. Оттаму, како што посочил тој, потребно е сите политички фактори во Република Северна Македонија да се насочат кон помирување и обединување околу стратешките цели на земјата.
На средбата Ахмети упатил честитки до Пендаровски по повод стапувањето на функцијата и му посакал успех во работата.
Популарно од Македонија
Ново на Сител
-
Случај „Ивана и Катја“: Стојанче барал 30.000 евра за да се повлече од станот, сведочеше братот на Ивана
-
Иран погуби младо момче кое учествувало во антивладините протести
-
Почнува примената на новиот возен ред на ЈСП „Скопје“ за дел од автобуските линии во главниот град
-
Савески: Одлуката за отповикување на овластувањата на обвинителката Ристоска не беше персонална, туку е од организациска природа
-
МФ: Извршен поврат на солидарен данок од 1,219 милијарди денари кон 119 компании
-
Мицкоски: Со 400 кV далновод од ТС „Битола 2” првпат стануваме целосно поврзани со сите соседни електроенергетски системи
-
АРМ објави оглас за 300 нови војници
-
Првата пешадиска бригада го одбележува Денот на единицата
