Педро: Имам компликувана ситуација

Барселона стигна до нов трофеј откако синоќа во Тбилиси со голот на Педро во 115.минута ја совлада Севиља. Но, и покрај победничкиот гол стрелецот не беше премногу расположен, бидејќи се наоѓа пред заминување од клубот.

- Секогаш ќе бидам навивач на Барселона, што и да се случи. Но, не е лесно кога има најави дека си заминувам. Искрено по болеста на Нејмар, бев бесен кога дознав дека ќе бидам на клупата. Не сакам да ја напуштам Барселона, ситуацијата е компликувана. Парите не се во прашање, сакам да играм почесто да бидам на терен. Тренерот Луис Енрике игра со други играчи, а јас долго чекам, изјави Педро за својот статус во клубот.

Според најавите пред одигрувањето на Супер купот на УЕФА во Тбилиси, Педро би требало да си замине од Барселона и тоа во Премиер лигата, а како најсериозни екипи се споменуваат Манчестер Јунајтед и Манчестер Сити.