Папата Францис ја повика Латинска Америка на единство преку верата

Папата Францис на вчерашната миса одржана во еквадорскиот главен град Кито ги повикал граѓаните на Латинска Америка да се осврнат кон заедничките христијански корени, како инспирација за надминување на разликите.

Мисата на отворено ја следеле речиси еден милион католици.

Папата потсетил на уверувањето и силата во „крикот за слобода“ во текот на борбата за независност против европските сили пред 200 години.

- Тоа беше крик кој одекна од длабочината на совеста поради недостиг на слобода и кражби, додаде поглаварот на Римокатоличката црква.

Тој побара од граѓаните во Латинска Америка да се осврнат кон Евангелието „за да се обединат нашите надежи, грижи, идеали, па дури и утописки визии“.