Оваа свадба го шокираше светот: Девојчињата плачат додека родителите со сила ги мажат

Потресна снимка од масовна венчавка на која родителите буквално ги влечат и туркаат малите деца во договорени бракови е снимена во Раџастан, на северот од Индија.

Договорените бракови со закон се забранети, но тоа не ги спречува родителите ширум Индија своите деца да ги венчаваат на овој начин.

Збунетите и расплакани деца се принудени да се држат за раце и да учествуваат во традиционалните свадбени обреди.

Посебно се вознемирувачки сегментите кога тинејџерка со покриено лице, која плаче под велот, буквално ја влечат и туркаат да се омажи и покрај тоа што девојчето се тетерави и дава отпор.

Исто така потресна е глетката кога петгодишно девојче облечено во традиционална црвена хиндуистичка венчаница и целата расплакана таткото ја води до младоженецот (11) исто така облечен во традиционална носија. Малечката плаче во текот на обредот.

Возрасните се сериозни и заангажирани, додека децата се расплакани. Оваа снимка дојде до полицијата, која го истражува идентитетот на родителите кои на овој начин го кршат законот.