Откриени нелегални отпади во Струмица

Во заедничка акција на комуналната инспекција, Државниот инспекторат за заштита на животната средина и СВР Струмица откриени се нелегални отпади и незаконско собирање на отпад.

Во акцијата комуналните инспектори изрекле четири казни на местото каде се затекнати лицата кои вршат нелегално собирање отпад, а од страна на Инспекторатот за животна средина и полицијата дополнително ќе бидат поднесени соодветни пријави против прекршителите.

Според информации од комуналната инспекција затекнати се лица како вршат расклопување на отпад на недозволени локации, а немале ниту дозвола за вршење на дејноста.

На едно од местото каде била извршена контролата бил пронајден и побегнат затвореник, по кој трагала полицијата.